"სტუდია რე" საზოგადოებრივი ორგანიზაციაა, რომელიც საქმიანობს მედიასივრცეში. ის ქმნის ტელეგადაცემებს, ტელედისკუსიებსა და დოკუმენტურ ფილმებს. ასევე აწყობს ტელეხიდებსა და საჯარო დისკუსიებს. "სტუდია რეს" მედიასაქმიანობის ძირითადი მიმართულებაა კონფლიქტებისა და ადამიანის უფლებების თემების გაშუქება. 

"სტუდია რე" თავისი საქმიანობით ხელს უწყობს საქართველოში დემოკრატიული პროცესების განვითარებას; საქართველოს ევროპულ და ევროატლანტიკურ ინტეგრაციას. 

"სტუდია რე" მუდმივად თანამშრომლობს სხვა არასამთავრობო ორგანიზაციებთან და მათი თუ საკუთარი პროექტების ფარგლებში ამზადებს ვიდეოპროდუქციას. 

"სტუდია რე" ასევე თანამშრომლობს საქართველოს რეგიონულ ტელევიზიებთან. "სტუდია რეს" ფინანსური მხარდამჭერები არიან სხვადასხვა საერთაშორისო ფონდები. 

"სტუდია რე" დაარსდა 1992 წელს, როგორც ტელეკომპანია „იბერვიზიის“ გადამღები ჯგუფი. 1993-99 წლებში "სტუდია რე" მჭიდროდ თანამშრომლობდა მშვიდობის, დემოკრატიისა და განვითარების კავკასიურ ინსტიტუტთან და სწორედ ამ პერიოდში გაიარა მნიშვნელოვანი ორგანიზაციული განვითარება. დღეს "სტუდია რე" არასამეწარმეო, არაკომერციული იურიდიული პირია. 

მისი დამფუძნებლები არიან მიხეილ მირზიაშვილი, დავით დარჩიაშვილი და მამუკა ყუფარაძე.