30 მარტს, “სტუდია რემ”, “საქართველოს ალპური კლუბის” მხარდაჭერით, შემოქმედ ქალთა საგაზაფხულო გამოფენას “მARTი” - 2024 უმასპინძლა.

ღონისძიებაში სხვადასხვა ასაკისა და პროფესიის 30-მა ქალმა მიიღო მონაწილეობა. მათ ხელნაკეთი ნივთები, ნახატები, გობელენები და ფოტოები წარმოადგინეს. 

ღონისძიებაზე “ალპური კლუბის” ერთ-ერთმა მასპინძელმა, ვანო ჯაფარიძემ, ქართული ალპინიზმის ისტორიაზე ისაუბრა და  სტუმრებისთვის  “ქართველ მთამსვლელთა მუზეუმში” ექსკურსია გამართა. 

"მARTი" - 2024-ის მეორე ნაწილი  “სტუდია რეს” მიერ, ქალთა გამოწვევებზე შექმნილი დოკუმენტური ფილმების ჩვენებასა და დისკუსიას დაეთმო. სტუმრებმა იხილეს ფილმები "ქალები ქალაქში" (ავტორი: სოფო ზედელაშვილი) და „მე მაქვს უფლება“ (ავტორი: მამუკა ყუფარაძე)